Midhat-E-Haider Mere – Mir Hasan Mir 2001-02

Roman English

Midhat-E-Haider mere lab par zara aanay to do. (x2)
Daad mujhko phir tumhara dil agar maanay to do.
Midhat-E-Haider mere lab par zara aanay to do.

Hosh main aajayengi fauran sipah-e-bad sifaat. (x2)
Tum mohibbaan-e-Ali ko josh mein aanay to do.
Midhat-E Haider (A.s.)…

Khud ba khud phirtay nazar aayengay tufaanoan ke rukh. (x2)
Tum fizaa main parcham-e-Abbas lehraanay to do.
Midhat-E-Haider (A.s.)…

Kaun roya kaun soya sab pata chal Jaayega. (x2)
Tum shab-e-hijrat ka kissa hum ko dohranay to do.
Midhat-E-Haider (A.s.)…

Dekhna kaisa tawaana hoga ye laagar mareez. (x2)
Majlis-e-Sheh ka tabarruk tum isay khaanay to do.
Midhat-E-Haider (A.S.)

Saaf aayega nazar maidaan taa hadd-e-nazar. (x2)
Hazrat-E-Abbas ko maidaan main aanay to do.
Midhat-E-Haider (A.s.)…

Daad mujhko phir tumhara dil agar maanay to do.
Midhat-E-Haider mere lab par zara aanay to do.