Mashhad Mein – Mir Hasan Mir

Roman English

Ye chaukhat choom kar ki hai dua har baar mashhad mein. (x2)

Ilahi theher jaaye waqt ki raftaar mashhad mein.
Ye chaukhat choom kar ki hai dua har baar mashad mein.

1. Janazay to bohot aatay huay dekhe magar maine. (x2)
Nahi dekhay kahin bhi maut ke aasaar mashad mein.

2. Suna hai khud shifa denay ko aatay hain wahan maula.
So ab khud jaa ke main ho jaaunga bemaar mashad mein.

3. Raza ke husn par Yusuf ko biktay dekhti dunya. (x2)
Agar hota kahin jo misr ka bazaar mashad mein

4. Suna kar manqabat Maula ki main un se dua lunga.
Milengay jab kabhi bhi Meesam-e-Tammar mashad mein.

5. Wo chahay ghar ki surat ho ya chahay qabr ki surat. (x2)
Khuda wanda bana de mir ka darbaar mashad mein.

Ye chaukhat choom kar ki hai dua har baar mashhad mein.