Karam Mangta Hoon – Owais Raza Qadri 2009-10 – Beautiful Hamd

Roman English

Karam Mangta Hoon ata Mangta Hoon.
Ilaahi Main Tujhse Dua Mangta Hoon.

Ata kar tu shaan-e-kareemi ka sadqa.
Ata kar de shaan-e-Raheemi ka sadqa.
Na mangunga tujhse to mangunga kis se.
Tera hoon main tujhse dua mangta hoon.

Jo muflis hain unko tu daulat ata kar.
Jo beemar hain un ko sehat ata kar.
Mareezoan ki khaatir shifa mangta hoon.
Ilaahi main tujhse dua mangta hoon.

Karam Mangta Hoon ata Mangta Hoon.
Ilaahi Main Tujhse Dua Mangta Hoon.

Meri jo behan bhi kunwari hai maula.
Usay naik rishta ata kar de maula.
Main sadqa-e-Zahra sada mangta hoon.
Ilahi main tujhse dua mangta hoon.

Jo naadar hain kuch nahi jin ke pallay.
Unhain bhi dikha de haram ke tu jalwe.
Hazoori ho sab ki duaa mangta hoon.
Ilaahi main tujhse dua mangta hoon.

Karam Mangta Hoon ata Mangta Hoon.
Ilaahi Main Tujhse Dua Mangta Hoon.

Watan ke bhadhakte sharare bhuja de.
Isay phir ukhuwwat ka gulshan bana de.
Mein amn-o-amaan ki rida mangta hoon.
Ilaahi main tujhse duaa mangta hoon.

Ilaahi tujhe waasta Panjetan ka.
Ho shadaab ghuncha diloan ke chaman ka.
Main sadqa-e-Ghaus-ul-Wara mangta hoon.
Ilaahi main tujhse dua mangta hoon.

Karam mangta hoon ata mangta hoon.
Karam mangta hoon ataa mangta hoon.
Ilaahi main tujhse dua mangta hoon.