Dekhtay Jaana Ali Akbar – Mir Hasan Mir 2018

اردو

مُڑ مُڑ کے مجھے دیکھتے جانا علی اکبر ؑ

اکبر ؑ علی اکبر ؑ
چلا جو خیمے سے مرنے رسول ؐ جیسا پسر
تو پیچھے پیچھے یہ کہتے ہوئے چلے سرور ؑ
مُڑ مُڑ کے مجھے دیکھتے جانا علی اکبر ؑ
کچھ دیر تو جی لے ترا بابا علی اکبر ؑ

تم زیں سے گرو گے تو بدل جائے گی دنیا
مقتل کی طرف کون ہمیں لے کے چلے گا
قاتل تو بتائیں گے نہ رستہ علی اکبرؑ

بیمارِ مدینہؑ کی خبر آتی ہی ہوگی
تم ساتھ لئے جاتے ہو بینائی بھی میری
میں کیسے پڑھوں گا خطِ صغریؑ علی اکبر ؑ

ہو جائے گا مشکل میرا آنا میرے بیٹا
مقتل میں کہیں دور نہ جانا میرے بیٹا
اب مجھ سے چلا بھی نہیں جاتا علی اکبرؑ

احساس تڑپنے کا ہمارے تجھے ہوتا
میری طرح تو اپنا جگر تھام کے روتا
تیرا بھی جو ہوتا کوئی بیٹا علی اکبرؑ

نانا ؐ میرے پوچھیں جو کہاں دیر لگائی
کہہ دینا اجازت بڑی مشکل سے ہے پائی
لگ جاؤ گلے آکے دوبارہ علی اکبرؑ

نانا ؐ گئے جب آئی تھی اماں پہ ضعیفی
تم جاتے ہو حالت ہے عجب بنت علی ؑ کی
زینبؑ ہوئی جاتی ہے ضعیفہ علی اکبرؑ

اے لال تجھے کرتا ہوں بابا ؑ کے حوالے
میدان میں ہنستے ہیں کھڑے برچھیوں والے
اچھی طرح پھر دیکھ لوں سینہ علی اکبر ؑ

سر پیٹ کے مولا ؑ نے تکلم ؔیہ صدا دی
ہے چادر زینبؑ میری غربت کی گواہی
میں تم کو کفن دے نہیں سکتا علی اکبرؑ

Roman English

Dekhtay Jaana Ali Akbar

Mudh mudh ke mujhe dekhtay jaana Ali Akbar.